كمال مسعودي فنان شعبي جزائري , ولد في  30 جانفي 1961 ـ  و توفي في 10 ديسمبر 1998

كمال مسعودي : «شحال من سلطان كان في دنيا جيوش لأمرو طيعات , مال وعز قصور وسرايا العسة عليه بالأولوفات , غفل غفلة تقلبت الحية في ليلتو ما صاب وين يبات»

يا حسرة عليك يا الدنيا فيك حكاية وحكايات
ساميني وقعدي حذايا واحكيهم لي بثبات
علاش هكذا حاقدة وسميّة تظلي تبدلي في الصفات
تعذبي فيّ غير بالشوية عييت من عذابك بركات
تلعبي بيّ ولا معايا جاوبيني علاش هاد السكات

قالوا لي عليك مسرحية أنا المسرح سكن لي في الذات
التذكرة خلصتها غالية اديت معايا شي وردات
دخلت للقاعة صفقوا عليّ طلع الستار والضو طفات
لقيت روحي في تمثيلية والديكور خوف ودموع

طمعتيني ودُرتي عليّ عندي جدي بصح مات

 

يا حسرة عليك يا الدنيا فيك حكاية وحكايات
ساميني وقعدي حذايا واحكيهم لي بثبات
علاش هكذا حاقدة وسميّة تظلي تبدلي في الصفات

تعذبي فيّ غير بالشوية عييت من عذابك بركات

 

شحال من سلطان كان في دنيا جيوش لأمره طيعات
مال وعز قصور وسرايا العسة عليه بالأولوفات
غفل غفلة تقلبت الحية في ليلته ما صاب وين يبات
وكلتي فلان عسل وفاكية وفلان شمختي له الفتات
فلان ڨلعتي لو الذرية وحياتو من الفرحة خوات
وفلان طلق مرتو المزكية زعف كي جابت لو البنات

 

يا حسرة عليك يا الدنيا فيك حكاية وحكايات
ساميني وقعدي حذايا واحكيهم لي بثبات
علاش هكذا حاقدة وسميّة تظلي تبدلي في الصفات
تعذبي فيّ غير بالشوية عييت من عذابك بركات

 

المسجون يرجو الحرية بالدقيقة يحسب الأوقات
الشهّار يحلم بالشهرية يا حليله مولى وليدات
كبدة لميمة مشوية واش سهرت و واش ربّات
على وليدها بدل جنسية عجبو زين الروميات
خلى يماه وحدانية من الحرقة والبكاء تعمات
باش يبين الرجولية بعث لها زوج محرمات

 

يا حسرة عليك يا الدنيا فيك حكاية وحكايات
ساميني وقعدي حذايا واحكيهم لي بثبات
علاش هكذا حاقدة وسميّة تظلي تبدلي في الصفات
تعذبي فيّ غير بالشوية عييت من عذابك بركات

 كمال مسعودي فنان شعبي جزائري , ولد في  30 جانفي 1961 ـ  و توفي في 10 ديسمبر 1998

Laisser un commentaire

%d blogueurs aiment cette page :