Citation de Lounis Aït Menguellet

Lounis Aït Menguellet : «Tura d ccwal id-wwiɣ, fell-as ttnaɣen»

Walaɣ iɛedda yiwen
Yeznuzun tirga
La yessawal wa yaɣen
Nniɣ-as aqli da
Zenz-iyi-d tirga n tegmatt
Γur-i dayen ulac
Ad nessefreḥ tayematt
Ad argun warrac
Tekfa ɣur-i targit-agi
Zenz-iyi-d kra
Σyiɣ fell-as d anadi
Ur tt-ufiɣ ara

Zdat-i iferec-d kra id-yewwi
Ihuz tuyat-is
Yettɛawad-iyi-d tamuɣli
Yekres anyir-is
Yenna-d mazal-ik teṭṭseḍ
Tagmat, targit-is
Ur tettnuz ur tt-tettafeḍ
Iɛedda lweqt-is
Asmi akken itt-id-ttawiɣ
Ugin a tt-aɣen
Tura d ccwal id-wwiɣ
Fell-as ttnaɣen

Aɣbalu :  tazlitt Walaɣ

Laisser un commentaire

%d blogueurs aiment cette page :